Վեդիի արմաթցիները վաճառում են իրենց ստեղծած ամանորյա դեկորացիաները
19-12-2018
Վեդիի «Արմաթ» ինժեներական լաբորատորիաների սաները հերթական անգամ հանդես են եկել ստեղծարար գաղափարով:
Նրանք նախ ձևափոխել են եռաչափ տպիչը և տաքացվող պարույր տեղադրել: Ապա երկրորդ կյանք են տվել կենցաղային և էլեկտրոտեխնիկայի փաթեթավորման թափոններին` դրանցից պատրաստելով դեկորատիվ փաթիլներ, եղևնիներ, հրեշտակներ և այլն:
Դպրոցականները վաճառում են իրենց աշխատանքները. ստացել են նաև այլ առարկաներ ստեղծելու պատվերներ:
«Արմաթ»-ի խմբավար Օրբել Խաչատրյանը նշում է, որ բացի ինժեներական լուծումների կիրառումից, դպրոցականների մոտ զարգանում է նաև մարքեթինգային հմտություններ, նրանք արագ ընկալում են շուկայի պահանջարկը, համապատասխան իրեր են տպագրում և քայլեր ձեռնարկում դրանք վաճառելու համար: Օ. Խաչատրյանը նշում է, որ արդեն նախագծել են «Ներկիր ինքդ» խաղալիքների պատրաստումը և շուտով կսկսեն դրանց վաճառքը, իսկ գոյացած գումարը կներդնեն լաբորատորիայի աշխատանքներում:
Կարդացեք նաև՝
Հեքիաթային դաշնամուր. Վեդիի արմաթցիների նվերը իրենց քաղաքին
Վեդիի ռոբոտաշինության խմբակը պատրաստելու է հայ զինվորներին օգնական ռոբոտ