Արմռոբոտիքսը Հայաստանի հնագույն և խոշորագույն ռոբոտաշինական առաջնությունն է։ Մասնակից թիմերը ստեղծում են ինքնակառավարվող ռոբոտներ՝ օգտագործելով զանազան պլատֆորմներ (Raspberry Pi, Arduino, SERob և այլն) և կառուցման տարբեր եղանակներ (3D մոդելավորում և տպագրություն, CNC հաստոց, ևն)։ Արմռոբոտիքսի յուրաքանչյուր մրցույթ ունի իր խորագիրը՝ «Խելացի ռոբոտները արտակարգ իրավիճակներում», «Ինքնակառավարվող ռոբոտները Մարս մոլորակում»,  «Ինքնակառավարվող ռոբոտները խելացի ագարակում» և այլն։ Այս մարտահրավերները հնարավորություն են տալիս պատանի ճարտարագետներին ցուցադրելու իրենց հմտությունները՝  իրենց իսկ նախագծած ռոբոտների միջոցով։