Դիջիկոդ/Փետրվար 2017
Փետրվարի 11-ին Գյումրու տեխնոլոգիական կենտրոնում տեղի է ունեցել ԴիջիԿոդ կիրառական ծրագրավորման պատանեկան ամենամյա մրցույթը, որն իրականացվում է Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից Ucom ընկերության աջակցությամբ: Մրցույթի հիմնական նպատակն է խրախուսել և զարգացնել դպրոցականների ալգորիթմական մտածողությունը, աշակերտներին խաղ սպառողից վերածել խաղ ստեղծողի, բացահայտել տաղանդավոր պատանիներին և հնարավորություն տալ զարգացնել ստեղծագործական ունակությունները:
360 հայտերից ԴիջիԿոդի եզրափակիչ փուլ անցած 40 դպրոցականները մրցել են մինչև 13 տարեկան և 13 տարենանից բարձր տարիքային խմբերում: Նրանք աշխատել են Scratch Մասաչուսեթսի տեխնոլոգիական համալսարանի (MIT) կողմից մշակված գրաֆիկական ծրագրավորման միջավայրում:
Այս տարի առաջին անգամ երկու տարիքային խմբերի համար սահմանվել էր նաև «Արմաթի մրցանակ» անվանակարգը, որի հաղթողներին որոշել են ՀՀ բոլոր մարզերի հենց «Արմաթ» ինժեներական լաբորատորիաների սաները իրենց վիդեոքվեարկությամբ:
ԴիջիԿոդ ծրագրավորման մրցույթի հաղթողները ԻՏՁՄ-ի, Ucom և Huawei ընկերությունների կողմից ստացել են դրամական պարգևներ, բջջային հեռախոսներ, վերապատրաստման և տեխնոլոգիական ճամբարներին մասնակցելու հնարավորություն:
ԴիջիԿոդ մրցույթի գլխավոր գործընկերն է Ձեռնարկությունների ինկուբատոր հիմնադրամը, գործընկեր՝ Huawei ընկերություն:
Տեսադարան
Տեսանյութեր
Հաղթող նախագծեր
![](https://armath.am/uploads/events_history_images/67ebf3f2-69bd-48f1-a034-e96cd4a53008.png)
![](https://armath.am/uploads/events_history_images/931c0d0c-ef56-44a6-9c9b-f100534c2182.png)
![](https://armath.am/uploads/events_history_images/cb4283a9-7b35-40d7-a3f9-ecf4dc121b0d.png)
![](https://armath.am/uploads/events_history_images/b803b881-73c8-4e85-81f0-5d2caa24ab00.png)
![](https://armath.am/uploads/events_history_images/c20a2bd5-9b8d-46a1-8aa4-b97ea3c1f48d.png)
![](https://armath.am/uploads/events_history_images/8ad6fbc9-3468-4807-a91a-55fbed6573ed.png)
![](https://armath.am/uploads/events_history_images/3239e02a-1dbd-4611-8587-f3154a9def93.png)
![](https://armath.am/uploads/events_history_images/jiu7k0qi5jsolzbzy4kl6fdpt.png)