Արմաթ տեխնոլոգիական ճամբար/2017
«Արմաթ» ամառային տեխնոլոգիական ճամբարն իրականացվում էր արդեն 2-րդ անգամ: Ի տարբերություն նախորդի, այս տարի Արմաթ ճամբարին մասնակցում էին 10-13 տարեկան նաև սփյուռքահայ դպրոցականներ (ԱՄՆ, Կանադա, ՌԴ):
Արմաթ ամառային ճամբարը յուրահատուկ է նրանով, որ աշխարհի տարբեր ծայրերում գտնվող հայ երիտասարդները սովորել և ազատ ժամանակ են անցկացրել միասին, ինչը լավ ընկերության և գործընկերության հիմք է հանդիսանում: Ճամբարի նպատակներից էր նաև դպրոցականների մոտ զարգացնել թիմային ոգու գաղափարը:
Արմաթ ճամբարի օրակարգը հագեցած էր ռոբոտաշինության, ծրագրավորման դասընթացներով, մրցույթներով, հայրենաճանաչությանն ուղղված միջոցառումներով:
Ճամբարին մասնակցում էին 300 դպրոցականներ, որոնց մի մասը Արմաթ լաբորատորիաների սաներն են:
Մասնակիցները թիմերով ստեղծել են գծին հետևող ռոբոտներ, հաղթող թիմերը արժանացել են մրցանակների:
Ամբողջական նկարները տեսնելու համար՝ https://www.facebook.com
