Արմռոբոտիքս 2022․ Ռոբոտների 14-րդ առաջնություն
06-09-2022
Մրցույթի բովանդակությունը վերաբերում է ագրոտեխնոլոգիական լուծումներով խելացի ագարակին։
Մրցույթի նպատակն է խրախուսել եւ հանրայնացնել ռոբոտաշինության, ծրագրավորման, էլեկտրոնիկայի եւ դիզայնի նկատմամբ հետաքրքրությունը, զարգացնել ռոբոտաշինության ոլորտը, մեծացնել ճարտարագիտական մասնագիտության նկատմամբ հետաքրքրությունը, ինչպես նաեւ զարգացնել նորարարական մտածելակերպը։ Այն նաեւ հանդիսանում է հարթակ ռոբոտաշինությամբ եւ ծրագրավորմամբ զբաղվող երիտասարդների հմտությունները, ունակություններն ու գիտելիքները ցուցադրելու համար։
Մրցութային դաշտն իրենից ներկայացնում է փոքր ագրոտեխնոլոգիական ագարակ, որտեղ առկա է պայմանական այգիներ, բույսեր, ֆերմաներ,
կենդանիներ եւ հողատարածքներ։ Մրցույթի թիմերը բաժանվում են երեք խմբերի՝
ա. դպրոցահասակներ կրտսեր տարիքի (10 - 13)
բ. դպրոցահասակներ ավագ տարիքի (14 - 17)
գ. սկսնակ եւ մասնագիտացած ընկերություններ
Կանոնակարգին կարող եք ծանոթանալ այս հղմամբ. https://bit.ly/3D0XWlC
Մասնակցության համար անհրաժեշտ է լրացնել հայտը. https://bit.ly/3RmGcFs
Հայտերի ընդունման վերջնաժամկետը սեպտեմբերի 25-ն է։