Կորիզ - Արմաթ ճարտարագիտական մրցույթ

2024 թվականին առաջին անգամ «Կորիզ կրթական ծրագիրը» և «Առաջատար տեխնոլոգիաների ձեռնարկությունների միություն» ՀԿ֊ն կազմակերպում են «Կորիզ֊Արմաթ» նոր ճարտարագիտական մրցույթը։ 

Մրցույթի հիմնական նպատակներն են`

Ա․ բարձրացնել դպրոցահասակ երեխաների մոտ ճարտարագիտության հանդեպ հետաքրքրությունը,

Բ․ հնարավորություն տալ երեխաներին տեսական գիտելիքները ամրապնդել և ստուգել, 

Գ․ ըստ արժանվույն գնահատել երեխաների ու խմբավարների աշխատանքը,

Դ․ բարձրացնել երեխաների ու խմբավարների մրցակցային ոգին ու ոգևորությունը։

Մրցույթին կարող են մասնակցել ՀՀ և Ջավախքի հանրակրթական դպրոցների 5-12-րդ դասարանի աշակերտները, ինչպես նաև քոլեջի սաները։ Վերջիններիս գիտելիքները ստուգվելու են համակարգչային ծրագրավորման, ռոբոտաշինության և եռաչափ մոդելավորման ոլորտներում։ 

«Կորիզ֊Արմաթ» մրցույթն իրականացվելու է 3 փուլով՝ 

1․ Նախընտրական փուլ

2․ Եզրափակիչ փուլ

3․ Մրցանակաբաշխություն

Մրցույթի 1-ին, 2-րդ, 3-րդ մրցանակակիրներին և հաղթողների խմբավարներին կտրամադրվեն մրցանակներ, իսկ մրցույթի լավագույն 40 մասնակիցներին՝ մասնակցության հավաստագրեր ու խրախուսական նվերներ։

Մրցույթին մասնակցելու, վերջնաժամկետներին ու պայմաններին ծանոթանալու համար անհրաժեշտ է մուտք գործել www.koreez.am կայք, ընտրել «Կորիզ-Արմաթ» մրցույթը և գրանցվել։