Արմռոբոտիքս
ՀԱՅԱՍՏԱՆՈՒՄ ՌՈԲՈՏԱՇԻՆՈՒԹՅԱՆ ԶԱՐԳԱՑՄԱՆ ԵՎ ԱՋԱԿՑՄԱՆ ԱՐՄՌՈԲՈՏԻՔՍ ԾՐԱԳԻՐ
Հայաստանում ռոբոտաշինության զարգացման և աջակցման ծրագիրը /Արմռոբոտիքս/ կազմակերպվում է 2008թ.-ից Առաջատար տեխնոլոգիաների ձեռնարկությունների միության /ԱՏՁՄ/ կողմից:
Ծրագրի առաջնային նպատակն է նպաստել.
- Ռոբոտաշինության ոլորտի և ինժեներական մասնագիտության նկատմամբ հետաքրքրության առաջացմանը
- Ճարտարագիտական մտածելակերպի զարգացմանը
- Մասնագիտական կողմնորոշմանը
- Տեխնոլոգիական կրթության որակի բարձրացմանը
- Բարձր տեխնոլոգիական ոլորտի զարգացման խթանմանը։
ԱրմՌոբոտիքս ծրագրի շրջանակներում իրականացվում են մի շարք մրցույթներ:
Ական փնտրող ռոբոտների մրցույթ
Այն նպատակ ունի խրախուսել և հանրայնացնել ռոբոտաշինության նկատմամբ հետաքրքրությունը, զարգացնել ռոբոտաշինության ոլորտը Հայաստանում և նպաստել ազգային անվտանգություն ապահովող ռազմական կիրառության սարքերի արտադրությանը:
Իրեր գտնող և տեղափոխող ռոբոտների մրցույթ
ԱՏՁՄ-ն իրականացնում է Իրեր գտնող և տեղափոխող ռոբոտների մրցույթը, որի ժամանակ մրցութային դաշտում պետք է գտնել իրեր, վերցնել դրանք և տեղափոխել:
Լաբիրինթոսից դուրս եկող ինքնակառավարվող ռոբոտների մրցույթ
Առաջատար տեխնոլոգիաների ձեռնարկությունների միությունը (ԱՏՁՄ) «ԱրմՌոբոտիքս» ռոբոտաշինության զարգացման ծրագրի շրջանակում իրականացնում է «Լաբիրինթոսից դուրս եկող ինքնակառավարվող ռոբոտների» մրցույթը, որի իրականացումը նպատակ ունի Հայաստանում զարգացնել ռոբոտաշինության ոլորտն ու կիրառությունը, բացահայտել լավագույն մասնագետներին և բարձրացնել ռոբոտաշինության նկատմամբ հետաքրքրությունը: Մրցութային դաշտում պետք է գտնել ելք լաբիրինթոսից: