Արմաթ տեխնոլոգիական ճամբար

Առաջատար տեխնոլոգիաների ձեռնարկությունների միությունը նախաձեռնել է նոր ֆորմատի ամառային ճամբար, որը համախմբում է սփյուռքի ու Հայաստանի երիտասարդությանը, ամրապնում է ՀՀ մարզերում ապրող երեխաների և սփյուռքահայ երեխաների միջև կապը և հետագա համագործակցությունը, հանդիսանում է ինժեներական, ծրագրավորման և ռոբոտաշինության նախնական գիտելիքների ու հմտությունների ձևավորման յուրօրինակ հարթակ:
Ճամբարը նախատեսված է 10-13 և 14-17 տարեկան երիտասարդների համար:
Կարևորելով հայրենասիրության և սեփական երկրի նկատմամբ կապվածության սերմանումը, ճամբարի հիմնական ուղղություններից է հայրենաճանաչությանը ուղղված միջոցառումները:
Այսպիսով, ճամբարի ընթացքում կազմակերպվող միջոցառումների ու առաջադրանքների միջոցով Արմաթ ինժեներական լաբորատորիաների երեխաները իրենց փորձը և գիտելիքները փոխանցում են իրենց հասակակիցներին սփյուռքից և այն երեխաների հետ, ովքեր չեն հաճախում Արմաթ լաբորատորիաներ` ինչը բաց երկխոսության, թիմային աշխատանքի, փորձի և գիտելիքների կիսման, կապերի հաստատման և նոր ընկերների ձեռք բերելու հիանալի հնարավորություն է:
Այսպիսով, շուրջ 400 աշակերտներ, որոնք հիմնականում Արմաթ ինժեներական լաբորատորիաների ուսանողներ են, հավաքվում են ստեղծագործական եւ ակտիվ հանգստի մթնոլորտում, կիսում են իրենց հմտությունները, խրախուսում են միմյանց սովորել ռոբոտաշինություն, մասնակցում են տարբեր դասընթացների եւ վարժանքների:

Հովանավորչական փաթեթ